==TV SERIES==

烽火奇遇結良緣

簡介 / 角色 / 劇照 / 周邊新聞

試造型



(圖片來源: 娛樂大搜查)


開鏡拜神


拍攝花絮

某日在河邊巧遇臉上有道疤痕o既羅敏莊 (Mimi), 佢氣沖沖咁走去河邊一邊喊一邊洗面, 見到佢個孤影自憐o既樣, 真係好可憐, 忍唔住上前開解一番!原來Mimi臉上的傷, 全拜佢男友陳國邦所賜!「佢明知我臉上有條疤, 仲專登將o的不知名o既藥膏搽落我條疤度, 搞到又紅又腫!」阿邦竟然咁樣蹧躓自己女友?「佢o係劇裡面都唔係我男友, 係死對頭就真!」哦! 原來做戲咋!雖然o的溪水好污糟, 不過Mimi都照樣抹o係臉上, 都可算大犧牲!

在劇人因臉上有疤而有些少自卑的Mimi, 現實生活中卻認為樣貌並非最重要。「我自己覺得樣唔係咁重要, 心地好才是最重要, 只不過因為我o地做呢行, 所以要特別care, 好似我臉上有o的油脂粒, 如果我唔係做呢行, 我就懶得去整走佢啦! 唔係我貪靚, 係這份工作需要我去咁做o者!」


Mimi 羅敏莊當日專登整o左個芝士蛋糕和朱古力蛋糕請各位同事食, 皆因佢最近發現了一間專賣製造糕點用具的商店。「我最近發現有間舖專賣整蛋糕甜品之類的用具, 以前整o左件蛋糕都搵唔到適合的盒裝返公司, 依家有專用盒, 又平又靚, 而且用完可以再用, 好方便!」Mimi除了鍾意整餅之外, 對煮送都好有研究o架!「我平時o既興趣就係整o野食, 咩都會煮, 雖然唔係好叻, 但都見得o下人o架! 我有諗過第時唔做呢行o既話, 就轉行開餐館做廚師。」雖然Mimi暫無意轉行, 不過佢其實已經係陳國邦o既私人小廚師啦!



陳國邦和羅敏莊因合作拍劇而擦出愛火花, 今次又有機會齊齊拍劇, 可以乘機拍拖, 仲專登買o左張孖登, 可以黐實, 十足連體嬰咁, 搞到坐o係隔離的宣萱一臉羨慕!


李家聲陳國邦為歐倩怡大打出手, 三位靚女站在一旁觀看, 一副愛莫能助的表情, 男人o既o野, 女人係理唔到o架啦!感情路上陳國邦就輸o左喇! 因為Cindy只係撲去家聲o個邊, 仲鬧國邦出手傷人添! 唉! 國邦今次真係身心都傷晒o羅!


今次係Mimi出手傷人先, 宣萱已經多次
忍讓留手。
不過Mimi實在欺人太甚, 宣萱一時
情急, 唔覺意大力推o左Mimi一下。
Mimi失去重心, 咪跌
o左落地o羅!
Joe見到跌倒地上的Mimi, 立即上前攙扶。Mimi仲唔乘機扮可憐博同
情咩!
不知就裡的Joe, 以為
宣萱出手傷人, 一o的
都唔肯聽宣萱解釋,
仲好惡咁鬧佢添!
見到愛人信人o地都唔信自己, 宣萱真係又激氣
又心痛, 惟有黯然離開冇眼睇!
鏡頭前Mimi和Jessica怒目相向, 但鏡頭後
兩人查實不知幾friend, Mimi仲不時幫宣萱
整理衣飾添!



大熱天時拍古裝外景真係好鬼辛苦, 好似呢日要拍攝一場刑場戲, 劇中薛仁貴 (石修飾) 一家遭滿門抄斬, 幾位演員要跪低乾曬大半天, 好彩遇著《K-100》主持來探班做訪問, 兩位主角宣萱和馬德鐘分別獲贈五百大元利是, 二人隨即慷慨捐出請所有工作人員飲凍飲解渴消暑。

見到冰涼的凍飲, 各位演員都表現得好興奮。拍攝當天烈日當空, 難得有個角位遮蔭, 眾演員埋位前一起
排排坐、談談天, 忙裡偷閒都幾好feel!

陳國邦擔遮不忘遮埋Joe和Jessica, 實行有福齊齊享!宣萱一樣好識做, 見國邦幫女友Mimi整理衣衫時, 反替對方擔遮擋太陽。宣萱被風吹沙入眼, Mimi立即上前察看慰問, 完全係姊妹情深!


左起: 羅敏莊、程可為、石修、歐倩怡和李家聲要做監犯跪足成日, 烈日當空, 真係慘情!


宣傳活動 (沙田新城市廣場)



(圖片來源: starphotohk.com, K100)
羅敏莊同陳國邦情侶檔玩遊戲, 論合拍程度, 相信
其他人都唔係對手了。
宣萱話自己由樊梨花變「樊肥花」o既元兇就係羅敏
莊成日請人食o既芝士蛋糕, 唔肥就假!

簡介 / 角色 / 劇照 / 周邊新聞