==GALLERY==

靚女必讀 酒精陷阱之奪命果汁

梁: 嘻嘻, 傻女, 你今次仲唔「U」!        羅: 好味, 好味呀!

追到女仔之後, 梗係會邀請對方去飲杯o野談o下心啦! 但係不勝酒力、美艷動人o既靚女就要特別小心, 因為一o的易入口帶有果汁味o既酒精飲品其實最易「U」, 熟讀以下最常見o既奪命果汁, 咪俾o的壞人有機可乘! (五粒星為最高分)

羅: 少少酒精, 最o岩我o地o的純情玉女。
少酒精

一o的果汁味甚濃的 cocktail 只含少量酒精, 易入口又唔易醉, o岩晒o的唔識飲酒o既初哥。

Easy Lover

以生果酒調教的 Easy Lover, 內含 Malibu、香蕉酒及士多啤梨酒, 極易入口, 唔識飲酒o既你都可以一試。

易入口度: *****
易醉度: *




羅: 我唔識飲酒o架。  梁: 飲啦, 飲多o的啦! Strawberry Magarita

極重士多啤梨味的 Magarita, 內含少量 Tequila、Cointreau (橙皮酒)、士多啤梨酒及 Triplesec (甜酒), 雖然好似好多種酒, 但一杯所含的酒精分量都不會太多, 不妨一試。

易入口度: *****
易醉度: *

Harvey Wallbengar

另一隻生果味酒, 內含 Vokka、橙汁酒及 Galliano, 好似飲橙汁咁 easy。

易入口度: ****
易醉度: *

羅: high high o地又未醉, 飲少少唔怕俾人抽水!
中酒精

飲得o下酒o既你唔想大「U」失晒儀態? 中量酒精飲品既可保清醒又可以 high high o地, 但小心飲得多都會醉o架!

Gin Cassis

黑加侖子汁酒+七喜+Gin, 雖然只得一隻酒, 但通常酒精分量比較多, 小心!

易入口度: ****
易醉度: **




羅: 哎唷, 點解飲果汁都會頭暈o既?        梁: Yeah! 得米! Nothing

唔好以為隻酒叫 Nothing 就真係 nothing, 因為佢由多隻生果酒加 Vokka 加 Malibu 調教而成, 極易入口, 飲多o左好易醉, 係奪命果汁o黎o架!

易入口度: ****
易醉度: ***

Golden Heaven

蜜瓜味好好飲, 但又係用多種果汁酒加 Vokka 組成, 係另一個易犯o既陷阱, 小心。

易入口度: ***
易醉度: ***

羅: 一入口就知勁啦, 一杯起兩杯止好啦!
重酒精

遇到呢o的酒精含量極高的飲品, 切記小心, 唔識當然唔好飲, 就算你酒量有番咁上下, 都係一杯起兩杯止, 否則Uo左就後果自負啦!

Long Island

咪以為真係飲 ice tea 呀! 入面有齊五隻至勁o既 Vokka、Tequila、Triplesec、Gin 及 Rum, 想保持清醒都幾難。

易入口度: **
易醉度: ****




梁: 想隊「U」佢, 點知自己都「U」埋。     羅: 其實我都好飲得o架, 想隊我, 無咁易! Wet Alert

話明 Alert 梗係要 alert 啦, Sambuca 加 Tequila 再加 Tabasco 辣汁, 飲完好似火燒喉嚨咁。

易入口度: *
易醉度: ****

Lambo

烈酒中o既烈酒, 飲法是先用火燒其中一杯, 再將三杯酒混合, 然後一次過飲晒, 唔係好識飲o既你肯定一杯搞掂。

易入口度: *
易醉度: *****


以上圖文來自1999年12月21日TVB周刊千年虫