==NEWS==

羅敏莊自認係「攣」

如果唔係Mimi講,都唔知原來佢天生攣毛o既。因為通常天生攣毛o既人, 個頭實好似獅子頭咁, 鬆起晒, 鬼咁怪。但係Mimi就一o的都唔鬆毛, 仲好靚o下添。莫非Mimi o係個頭度做過手腳o黎?


「唔係! 雖然我天生攣毛, 不過勝在髮質夠幼, 所以咪唔似獅子頭囉。」咁Mimi都算好彩喇, 唔使為個頭而煩惱。「梗係唔係啦! 攣毛始終係攣毛, 想keep直髮o個陣呀, 要吹好耐至直o架。以前讀書o個陣鍾意keep直髮, 日日都吹到手軟!」正因為要o徒好多時間, 所以Mimi比較鍾意短頭髮, 貪佢易打理。「我個人懶打理個頭, 所以盡可能都唔會留長髮, 頂多留到膊頭啦。」我就覺得短髮襯Mimi多o的, 既爽朗又得意。

Mimi話自己好鍾意玩髮型, 今次隻新碟《一顆恨嫁的心》Cover上o個個頭係佢最鍾意o既, 佢話o的色染得好靚喎。「不過我其實好怕染髮, 整到個頭好痛o架! 仲好傷髮質添。」問Mimi整傷o左o的頭髮之後點樣護理返好,「冇o架! 剪晒佢再生過o的好o既囉!」

「遲o的想走去剪返個『兄弟』頭, 襯返我o既男仔頭性格。」仲好襯佢首新歌「兄弟」添! Mimi咁鍾意轉髮型, 好在有Sponsor咋, 唔係荷包就大傷元氣囉。


以上圖文來自1997年120期Yes Idol