==NEWS==

跳出 DJ 框框 羅敏莊初嘗音樂劇滋味

依家做DJ真係八足咁多爪, 除o左可以唱歌、拍電視劇、電影外, 有o的連音樂劇都撈埋, 好似港台DJ Mimi羅敏莊最近就接o左套音樂劇《愛妳一萬年》, 而且仲係做女主角添! 今次係Mimi第一次做音樂劇, 表現係點? 就帶大家率先睇佢綵排o既情況咪知o羅!

■ 羅敏莊: 志在參與

Mimi以前係讀演藝學院出身, 讀書時都演過話劇, 叫做有少少經驗, 但今次咁大型o既表演, 始終係第一次, 真係唔緊張就假,「我分人好大頭蝦, 好驚記錯對白、歌詞同行錯位, 另外現在排練比較慢, 所以有少少擔心到時準備不足。」至於問到今次演出酬勞有幾多, Mimi話佢未試過做音樂劇, 今次只係志在參與, 所以錢唔係好多, 只諗住學多樣o野作傍身。

■ 導演鍾志榮: 一身兼三職

今次音樂劇《愛妳一萬年》的導演鍾志榮, 之前曾做多個音樂劇包括《遇上一九四一的女孩》和《我和春天有個約會》等, 至於今次與以往有何不同? 鍾志榮說最大分別是今次要一身兼三職, 所以零舍辛苦,「今次音樂劇除o左比以往所做o既較大型之外, 最辛苦係自己包辦導演、作曲同填詞三項工作。」

 

■ 《愛妳一萬年》

演出地點: 香港演藝學院 (戲劇院)
演出日期: 29/7 - 14/8/2000 (31/7及7/8休息)
逢星期六及日加開日場 (29/7除外)
演出時間: 晚上8時正 (夜場); 下午3時正 (日場)
票價  : 逢星期一至四HK$260; 逢星期五至日HK$280
故事大綱: 一個遠古的勇士、帶著滿心歡喜從沙場趕回家和他心愛的女人結婚。回家後, 他發現這不是一個瑰麗堂皇的婚禮, 亦不見穿著白色婚紗的新娘, 聽不到眾人的祝福。只是一個血紅色的婚禮, 一群人圍繞著一個淌血的新娘, 聽到眾人的哭泣, 這個勇士只能抱著那個血紅的屍體向天哀號並許下了一個誓言......


以上圖文來自2000年7月18日TVB周刊千年虫