口花花因為徐志摩？馬浚偉爆抽離唔到角色

藝人馬浚偉、萬綺雯（蚊蚊）及羅敏莊到西九龍中心宣傳舞台劇，身兼編劇、導演、男主角的馬浚偉說：「我o地已經進o左總綵排，好順利，好感動，心情就好似睇住個仔出世咁，但羅敏莊話綵排o者，未算出世，話我依家只係見到『雀仔』咋喎，哈哈哈！我好多謝佢同萬綺雯，佢兩個o的感情戲，睇到人眼濕濕。另外蚊蚊為個劇學崑曲同華爾茲，大家都對佢o既崑曲拍爛手掌！」

馬浚偉又自爆近日抽離唔到角色，他說：「唔知係咪受劇中徐志摩影響，o的同事話我呢排口花花o左，頭先我o係商場停車場，有個嬸嬸問我做乜靚仔o左？我答佢：『梗係，唔係點襯得起你！』嬸嬸好開心，人生就應該開開心心！」