==NEWS==

同無線爭萬綺雯?馬浚偉:佢係最適合人選


拍得多劇,可能蚊蚊都想玩o下舞台劇o既。 

藝人馬浚偉及羅敏莊(Mimi)接受《有線娛樂新聞》主持鍾煒喬訪問,宣傳兩人有份演出的舞台劇。馬浚偉透露今次演出徐志摩一角,將會讓大家耳目一新,他說:「徐志摩o係處理感情同私生活上,一向被人負評,我創作o既呢個劇本唔會美化佢o既故事,反而會赤裸裸將佢拋妻棄子最狠心o既一面演出o黎,我已經預o左觀眾睇完會鬧我!蚊蚊(萬綺雯)今次飾演陸小曼,係最適合o既人選,佢有一種民國大美人o既氣質,呢個角色係為佢度身訂造!(傳佢為o左演出你呢個舞台劇,推o左無線劇,你搶人?)冇,如果人o地要唔畀你,你又點會搶得到呢?」

馬浚偉事業得意,被問到何時才肯成家立室?他坦言:「感情方面唔急得,要o黎就o黎,我最近生活習慣唔同o左,識多o左好多新朋友,要慢慢考慮。」Mimi則大讚馬浚偉是「筍盤」,她說:「我相信只要佢OK,一定有好多女仔排晒隊。以佢今時今日男一o既地位,佢願意放低一切,為舞台劇付出咁多時間、心血同金錢,呢份熱誠令我好感動,所以我寧願犧牲陪囡囡o既時間都要參與演出!」


馬浚偉(左)要演一個壞男人o既角色真係同佢真實性格 
差好遠。

快o的搵番個女朋友啦。 

on.cc東網


以上圖文來自2016年9月23日on.cc東網