==NEWS==

馬浚偉恨舞台劇添食 羅敏莊嗌睇女兒頭


唔知羅敏莊幫女兒睇中邊間小學呢? 

藝人馬浚偉與羅敏莊(Mimi)到電台宣傳舞台劇《偶然,徐志摩》,劇中馬浚偉飾演徐志摩,而Mimi飾演徐志摩首位夫人張幼儀,兩人表示正如火如荼的排練中,馬浚偉更大讚Mimi快入戲:「佢一o黎已經中晒,同佢夾好舒服,雖然佢係人媽咪,但我都叫佢唔好唔演戲同唔唱歌。」Mimi笑謂是因馬浚偉很嚴謹,令大家亦要打起十二分精神:「係好o既影響,平時初頭排戲大家會玩o下先,但今次係唔同氣氛,大家好投入。」而馬浚偉與劇中另一女主角萬綺雯首次合作,他坦言初時非常緊張:「佢係長腿姐姐喎,但經過今次我o地認識深o左o既,同Mimi就識o左好耐,對住佢唔會緊張。」

■ 度定期再公演

問到可會再加場?馬浚偉指演藝學院沒期,但有計劃之後再度公演,並於明年的下半年做巡迴演出,他更笑問Mimi:「我預o左 Rerun o架,你會唔會再生o架?」Mimi笑說:「睇o下我做得好唔好先,可能唔好你就唔預我。」而馬浚偉知道Mimi要照顧女兒陳禛,所以很難度期,但會盡量遷就她。Mimi就表示陳禛明年將升讀小一,9月1號就要為女兒報讀國際學校:「聽o的家長話凌晨12點一有form就要填,千祈唔好遲,我唔係要佢入名校,而係唔使做咁多功課o既學校,希望佢入到我Target o左o個間學校,唔係我就跟唔到你去tour。」馬浚偉即笑說:「唔得喇,我聽日會去跪求個校長!」


羅敏莊仲話如果女兒入唔到Target
o個間學校,就唔跟唔到馬浚偉去
tour喇!


咁o既話唔怪得馬浚偉話要去跪校長喇∼ 

唔知馬浚偉會唔會幫羅敏莊女兒搵學校呢? 

on.cc東網


【馬仔Uncle出手】羅敏莊緊張囡囡報小學 馬浚偉下跪幫拖

羅敏莊同馬浚偉今日o係商台宣傳舞台劇,佢o地會o係11月公演,o依家已經綵排得好順利,之前已加場,仲計劃明年下半年走巡迴,亦有計劃之後再o係香港重演。

不過,羅敏莊因要顧及囡囡陳禛升小一o既問題,羅敏莊話:「我好緊張報一間唔多功課o既學校,所以好緊張。」馬浚偉就話會盡量配合:「我盡量配合,為人母好偉大,你報邊間?我跪求校長收陳禛。」


羅敏莊同馬浚偉將會合演舞台劇。(攝影:王連連) 
(蘋果日報)

羅敏莊囡囡陳禛轉眼已經準備入小一(資料圖片) 

蘋果日報即時新聞


以上圖文來自2016年8月29日on.cc東網, 蘋果日報即時新聞