媽媽唔易做　羅敏莊邊排戲邊湊女

藝人羅敏莊（Mimi）到電台受訪，表示昨日難得有時間跟老公陳國邦拍拖睇戲，可以重拾之前拍拖回憶。講到工作，她表示11月會演出舞台劇，現時已開始排練：「之前o個o的都係早一個月排就得，但今次唔同，依家已經開始排，未試過，可能係因為今次我o地有o的演員冇乜舞台劇經驗，好似蚊蚊（萬綺雯），佢今次仲要跳舞唱歌，而且我o地今次又有兩個新演員，所以就要多o的排戲。」

■ 被馬浚偉誠意打動

其實最初Mimi因想多些時間陪女兒而不想接這套舞台劇，她說：「依家暑假，想陪佢多o的，佢依家K2，就o黎上year 1（小學），已經要開始準備，o的人成日讚佢得意，其實係我功勞，我畀好多時間佢。不過馬浚偉真係好有誠意，畀好多條件我，佢話叫我帶埋個女去排戲，可以搵o的姐姐陪佢玩，又可以搵人湊佢放學，又畀劇本我睇先，所以就打動到。」

■ 「老公床戲激過我」

她亦表示今次角色是做正室，自己對此角色亦很有興趣，講到她跟馬浚偉會有床戲，她表示：「佢同其他女主角會浪漫o的，因為其實佢個角色係唔愛我，所以床戲都係點到即止。（使唔使問准老公？）佢拍o個o的仲激烈過我好多，大家都係演員，都明解。」

依家仲係精神翼翼！

係咪諗緊幾時可以同囡囡玩先。

幾時都話世上只有媽媽好！

on.cc東網

【有冇親熱床戲？】同馬浚偉演舞台劇　羅敏莊話佢同萬綺雯激烈o的

羅敏莊今日到商台接受訪問。(蘋果日報)

羅敏莊今日o係商台接受訪問，雖然老公陳國邦拍大台劇集，但收工時都算穩定，可以一齊晚飯，噚晚仲同老公陳國邦一齊睇首映，享受二人世界。

羅敏莊講到最近忙緊為11月o既舞台劇《偶然，徐志摩》綵排，佢話原本阿女要讀書，又想抽多o的時間陪囡囡，原本來想推o左呢套舞台劇，但覺得馬浚偉真係好有誠意，所以最後都應承，佢話:「馬仔話可以帶埋阿女去綵排，唔得閒仲可以搵o的姐姐陪佢玩，甚至可搵人湊放學，見佢好有心機又有誠意，加上我都鍾意個角色。」

問到同飾演徐志摩o既馬浚偉有冇親熱床戲？佢話:「佢應該同其他女演員多o的，或者同演陸小曼o既萬綺雯激烈o的，歷史中徐志摩唔係太鍾意我。」

佢話當初冇諗過接馬浚偉o既舞台劇，但俾  佢誠意打動先接演。

蘋果日報即時新聞