==NEWS==

陳國邦囡囡狂擺甫搶鏡 盈盈大女勁怕醜


真係好cute呀佢o地!

藝人陳國邦、湯盈盈、李霖恩等出席處境處《愛·回家之八時入席》宣傳,適逢父親節,不少星二代也齊齊出動,不過當中以陳國邦女兒陳禛最為搶鏡,甫到場即上台狂擺甫士,可愛非常,而盈盈大女則較為黐身,即使盈盈於玩遊戲期間,女兒也要拉住其後腳走,任司儀的霖恩亦被一對仔女於台上攬到實,狀甚溫馨。

■ 陳國邦囡囡搶晒鏡

對於女兒在台上搶盡風頭,國邦笑謂:「佢臨時縮沙唔肯唱歌呢,頭先仲同太太o係車度練歌,所以話佢都好睇心情。(o係學校都咁active?)佢係活潑,鍾意表演,但學校都唔只佢係咁o既,其實由細佢都習慣o左面對咁多人,所以好自然。」更指今晚將兩家人食飯慶祝父親節。

■ 自爆拉頭馬蝦碌事

而盈盈則透露老公錢嘉樂終能趕及今晚返港,現正與老爺、奶奶坐住飛機由上海回來,她謂:「我臨時臨急買蛋糕同訂檯食飯,同埋之前已托劇組同事幫我畫一幅一家四口o既卡通全家福送畀嘉樂。」

談到日前到馬場拉頭馬,盈盈笑指乃朋友出錢幫她買,結果幾個人共贏得六位數字,她更自爆瘀事:「拉頭馬時見地下有條繩咪執上o黎拎住,即刻畀朋友笑,等我仲叫埋周家蔚同郭少芸拎住添。」對於好姊妹梁靖琪似蜜運中,盈盈即謂:「佢好多男友喎,咁好姊妹當然有分享呢o的o野。(過o左你o地o個關未?)都ok o既,畀佢發展o下先,唔使咁心急o既,睇o岩先。」


陳國邦女兒陳禛最為搶鏡,甫到場即上台狂擺甫士。 

陳國邦仲爆囡囡去現場o既時候同太太o係車度練歌 


不過陳國邦就笑囡囡臨時縮沙唔肯唱歌。 

陳禛甫士… 


再o黎∼ 

真係好可愛呀! 


陳國邦女兒陳禛(左)、湯盈盈大女 

依位小朋友好似好驚咁喎… 



以上圖文來自2016年6月19日on.cc