==NEWS==

慰患癌母親 羅敏莊三代同堂出遊

去年中突然聽到Mimi提起母親入院消息,當時她相當擔心,經常要出入醫院照顧母親,幸好年尾羅媽媽已出院並開始接受化療,「媽咪已經切o左左邊乳房,化療療程都完成晒,依然只係定期覆診,康復情況唔錯。」

■ 唔預老公玩

見媽咪身體狀態開始回復,孝順女Mimi即時提議一起出遊散心,地點更是她有意移民及讓囡囡陳禛升學的泰國,「媽咪身體仲係比較弱,唔可以冷親,o個邊咁熱就唔使驚,而且食o野又o岩我o地胃口,我o個邊成日去比較熟路,就算一個帶住媽咪同阿囡都照顧到。」

為了減輕媽咪和陳禛舟車勞頓辛苦,Mimi選擇在鐵路沿線玩,「o個邊每個車站差唔多都連住個商場,我o地坐車去到邊個站咪玩到邊囉!咁樣又唔使驚塞車,舒舒服服唔使同人逼,媽咪同阿囡都玩得好開心,所以我o地一個月去o左兩次啦!(唔預老公陳國邦?)佢要《愛回家》,短期內都放唔到假。」

羅敏莊(Mimi)自年前父親急病離世後,她更感親情重要,已經常陪伴母親,去年羅媽媽證實患上乳癌第二期,令Mimi相當擔憂,幸好經過切除及化療後,已逐漸康復。為了陪母親散心,Mimi最近先後兩次跟羅媽媽及囡囡陳禛出遊泰國,希望爭取時間三代同堂聚天倫。撰文:杜淑霞


三婆孫都愛扮鬼扮馬,相當搞 
o野。

Mimi覺得陳禛最搞笑是這張疑
似扮梅艷芳相。


食朱古力食到花面貓的陳禛, 
Cute爆!

天氣咁熱,婆婆陪陳禛齊齊歎支 
雪條先。


泰國菜不但是Mimi至愛,連羅媽媽和陳禛都喜歡。

去到泰國,陳禛梗係要玩下水啦! 



以上圖文來自2016年6月11日頭條日報