羅敏莊囡囡陳禛報平安：我o地冇事！

羅敏莊之前同囡囡陳禛去台中幫有線拍真人騷節目《帶阿B去旅行》，陳國邦都有同行，但就因為佢跟無線有約而冇份出鏡。早幾日佢o地完成拍攝後，仲一家人留o係台灣玩。

原來噚日凌晨台南大地震，羅敏莊、陳國邦一家三口都o係台灣未返香港。今日《蘋果》聯絡到羅敏莊，問佢有冇受大地震影響時，佢透過WhatsApp話:「我們在台北很平安，但當晚真的感到很搖晃，還以為自己頭暈，看到燈和窗簾也在搖動，才知道地震！天佑台南。」

咁陳禛有冇驚驚？羅敏莊就話:「佢未知呀，我有解釋比佢聽，佢唔係好明，同埋震緊o個陣佢訓緊覺，我老公都訓緊覺，係我拍醒佢話畀佢聽。」o係媽咪隔離o既陳禛，亦好乖豬咁講o左句:「我o地冇事呀，祝福台灣！」