==NEWS==

羅敏莊帶囡遊夜市:有驚無險!

羅敏莊早前帶愛女陳禛到台中拍攝有線節目,事後再會合老公陳國邦,一家三口順道到宜蘭旅行。

前晚二人帶愛女到夜市遊玩o個陣,囡囡就畀一部專畀小朋友玩o既彈珠機吸引,猛話要玩。玩遊戲時,小小年紀o既陳禛全神貫注,每贏一次,佢都好肉緊咁握實拳頭,同坐o係側邊?爸爸大聲「Yeah」o左聲。最後更加贏o左大獎,令陳禛開心到跳起,沿途一直攬實贏返o黎o既戰利品。羅敏莊事後對記者講:「陳禛玩遊戲o個陣好認真,好似佢爸爸咁認真,所以就俾佢贏o左大獎,好叻女!」

而台灣東北部海域前晚o岩o岩發生6.8級地震,不過羅敏莊一家身處地方離震央好遠,有驚無險!


羅敏莊同老公帶囡囡去台灣夜市玩 

仲贏到獎品,好叻! 


陳禛玩得好開心 


以上圖文來自2016年2月3日蘋果日報即時新聞