==NEWS==

羅敏莊母女檔摘菜 3歲陳禛搶晒鏡

日前羅敏莊同囡囡陳禛母女檔上陣,拍有線節目《帶阿B去旅行》,去台中寓工作於娛樂,玩o左六日,近日簽番大台o既陳國邦都問准o左公司,有一齊去親子樂兼出少少鏡。成個節目羅敏莊俾囡囡搶晒鏡,因為3歲半o既陳禛真係好鬼cute。佢同媽咪著母女裝摘菜,手腳利落,一o的都唔似小朋友。佢踩單車先勁,3歲半就越級挑戰踩5歲車,雖然架車有輔助轆,但佢踩到好定喎,直線、掟彎冇難度,勁。


細細個就灌輸佢摘菜菜,陳禛唔摘得 
比媽咪差。

陳禛活潑又表情多多,可愛爆燈。 


陳國邦、羅敏莊一家三口藉開工親子樂。 

母女齊齊穿上原住民服裝。 


以上圖文來自2016年2月1日壹週Plus