==NEWS==

羅敏莊孖萌爆囡囡玩轉台中


羅敏莊與女兒陳禛出發到台中展開6日真人旅行騷。

藝人羅敏莊及女兒陳禛參加有線節目《帶阿B去旅行》於日前出發到台中展開6日真人旅行騷,羅敏莊對此大感期待:「好開心可以同女女去玩,希望佢會享受個旅程。」

羅敏莊及女兒陳禛將於今趙旅程前往清境、日月潭、埔里等多個地方,在親親大自然的同時又會參與工作坊增進母女感情。其中在遊覽蜜蜂養殖場現場製蜂蜜蛋糕時,年紀小小的陳禛竟親手打下多隻雞蛋,獲得在場工作人員大力讚賞!

雖然台中天氣比預期中差影響到拍攝進度,以致多個行程需移施室內進行,惟羅敏莊與女兒遊玩心情無損,羅敏莊:「天氣差都冇影響,我o地仍然玩得好開心,囡囡亦冇失望!」


羅敏莊同囡囡陳禛出發前先舉V!

羅敏莊與囡囡遊覽蜜蜂養殖場,囡囡 
即場試味,羅敏莊就伸晒利。 

羅敏莊同囡囡即場製蜂蜜蛋糕。 


囡囡仲整到有板有眼添! 

羅敏莊同囡囡整到咁落力,真係搞到 
小編都好想食呀!

on.cc即時新聞


羅敏莊囡囡純天然爆炸頭 好想捕捉她!

羅敏莊日前帶埋囡囡陳禛到台灣拍攝有線旅遊節目《帶阿B去旅行》,老公陳國邦都有一齊去,但因為阿邦同無線簽o左約,所以冇份出鏡,只係全程照顧老婆同囡囡。

羅敏莊佢o地去o左了清境、日月潭、埔里等地方親親大自然,又o係蜜蜂養殖場即製蜂蜜蛋糕,陳禛親手打雞蛋,好有表演才華之外,亦有下廚天份。不過,因為台中天氣比預期差,拍攝進度亦受影響,多個行程要移師室內,但對陳禛o黎講,完全無損佢玩樂心情,每日都玩得相當開心。

目前仍然o係台中拍攝o既羅敏莊今日透過WhatsApp話:「第一次陳禛拍攝都好順利好叻,工作人員讚佢好專業,佢好多時都能夠做到工作人員同我比佢o既指示,個個都話佢好有talent做電視或者電影。我o地呢邊天氣都好凍,我o地日日出去,都好少要除褸,因為實在太凍啦,但都係冇減玩o既情趣,都好開心,每日有線都安排好多小朋友o既o野比佢玩,例如第一次餵羊啦,第一次騎馬啦,又整朱古力啦,又去整手工啦,都好好玩,好o岩小朋友玩!」


陳禛你唔好行咁快! 


陳氏一家都古靈精怪! 

蘋果日報即時新聞


羅敏莊同囡囡玩轉台中

羅敏莊帶埋囡囡陳禛去到台灣拍攝有線旅遊節目《帶阿B去旅行》,老公陳國邦都有跟埋一齊去,羅敏莊仲話好開心可以同女女去玩,希望佢會享受成個旅程。

節目入面,一家人去o左清境、日月潭、埔里等地方親親大自然,又參加唔同工作坊增進母女之間o既感情。其後佢o地亦o係蜜蜂養殖場玩整蛋糕,陳禛更親手打雞蛋,睇o黎陳禛都幾有下廚o既天份,仲獲得在場工作人員大力讚賞添!

雖然台中天氣比預期中差,令到好多戶外活動都做唔到,要改係室內拍攝,不過羅敏莊就話,好在第一次拍攝都好順利,陳禛亦都好叻,工作人員都讚佢好專業。不過台灣就實在太凍,但冇減低玩o既動力,小朋友仲踏出唔少「第一次」,例如餵羊同騎馬等等:「我o地玩得好開心,囡囡亦冇失望!」











新浪香港


以上圖文來自2016年1月30日on.cc, 蘋果日報即時新聞, 1月31日新浪香港