==NEWS==

囡囡萌爆!羅敏莊澄清冇電髮:天生曲髮


老公陳國邦亦有到場支持。 

藝人羅敏莊(Mimi)攜同囡囡陳禛出席有線節目《帶阿B去旅行》記者會,老公陳國邦亦有到場支持。期間陳禛影相時大擺招牌甫士,令全場被萌倒。

訪問時,Mimi透露本月27日便會出發,拍攝5至6日後會繼續逗留當地旅行,更感謝有線方面請她全家去旅行:「其實仲請埋我媽媽,但佢o岩o岩做完化療,所以擔心佢未必應付到。」又指國邦將為無線拍攝一年處境喜劇,所以今次便當作年度旅行。問到國邦能否在節目中出鏡,她坦言:「因為合約問題就未必上到,但可能會有o的對答。(同TVB申請o左?)有同TVB講,出鏡就唔得o架喇,但會知道佢o係度。」

談到如何在外地湊女,Mimi就指囡囡並非太曳:「叫佢擺甫士都肯,但睇到吸引o既o野就難o的去Control佢。(唔使鬧?)佢幾錫我,我嬲o既話佢會話『媽媽唔好嬲啦,Sorry』,比爸爸仲快Say Sorry。」又笑謂會借節目澄清囡囡是天生曲髮,非後天加工,曾被人話太早幫囡囡電髮的她更謂:「我都係孿毛o架,係大個吹到咁咋!」


羅敏莊攜同囡囡陳禛出席有線節目記 
者會。

陳禛影相時大擺甫士,勁得意呀! 

得戚舉V! 

真係勁多甫呀! 

羅敏莊指囡囡並非太曳,做錯o野比陳
國邦仲快Say Sorry。

一齊大笑,係咪好似樣呢? 

陳禛都想講兩句。 

羅敏莊透露本月27日便會出發,拍攝
5至6日後會繼續逗留當地旅行。

搞掂,要走啦! 

on.cc即時新聞


囡囡天生髦毛 累羅敏莊出街俾人鬧:咁細個幫個女電

羅敏莊一家將會為有線拍真人騷,27日出發去台灣拍。今日囡囡陳禛都有陪媽媽出席,cute到爆,表情多到不得了,又好enjoy俾哥哥姐姐影相。

羅敏莊話:「有線會請埋老公去,但佢同無線有合約,到時聲同樣都唔會出鏡,本身我媽咪都一齊出發,但佢之前病做o左化療,唔可以太勞動。稍後老公會拍處景劇拍一年,所以好重視呢次旅行。」

問到預計女兒到時會唔會聽話,羅敏莊話:「佢OK o既,都錫我,如果我話嬲,佢會立即講sorry,快過佢爸爸。同埋希望o係節目中澄清?我個女頭髮天生鬈,出街真係有人鬧我幫佢電髮。」





爸爸呢? 

爸爸呢? 




爸爸o係呢度,但因為佢係無線人, 
唔可以亮相有線節目。

蘋果日報即時新聞


以上圖文來自2016年1月23日on.cc及蘋果日報即時新聞